كاتبة”أغمز بعينك يا سيسي” :”احنا خلعنا ” مرسى” ليه؟!”

قالت الكاتبة الصحفية غادة شريف إنها انتقدت الرئيس محمد مرسي من أجل عدة أشياء ، مؤكدة أن تلك الأشياء تتكرر الان فى عهد السيسى  .

وتابعت  في تدوينة عبر حسابها بـ”فيس بوك”: “قلنا على مرسى وحش علشان كان هيبيع للفلسطينيين أرض من سيناء… و دلوقت هنبيع الجزيرتين للسعودية..قلنا على مرسى وحش علشان تغول على السلطة القضائية بتعديلات فى القانون.. و نفس التعديلات و نفس التغول وافقنا عليهم دلوقت”.

وأضافت: “قلنا على مرسى وحش علشان برلمانه كان عايز يطرح الجنسية المصرية للبيع.. البرلمان الحالى عايز يطرح الجنسية المصرية للبيع..

قلنا على مرسى وحش علشان الدولار بقى ب 8 جنيه.. و دلوقت الدولار بقى ب18.. قلنا على مرسى وحش علشان كان بيثق فى جماعته فقط.. و دلوقت الثقة للعسكريين فقط” حسب قولها.

وأردفت: “قلنا على مرسى وحش علشان جاب نائب عام ملاكى.. دلوقت كل رؤساء الهيئات القضائية هيبقوا ملاكى..قلنا على مرسى وحش علشان عمل اجتماع زعل أثيوبيا مننا و كان هيضيع النيل.. دلوقت سيبنا أثيوبيا تستهين بينا و لم نريها أى عين حمراء فخلاص ضاع النيل على كده بقى 2 فى 2 ب 7 و معانا الخمستاشر” .. متسائلة: “طب احنا بقى خلعنا مرسى ليه؟”.