موقع منزلاوي manzalawy.com, manzalawy.net, manzalawy.org
شن إبراهيم حسن مدير الكرة بالنادي المصري هجوماً عنيفاً على أحمد شوبير حارس مرمى الأهلى ومنتخب مصر الأسبق بعد إنتقاد الأخير لهما بسبب المؤتمر الصحفي الأخير الذي عقده هو وشقيقه حسام حسن.
وقال “حسن” في تصريحات لبرنامج “الكابتن” على شاشة “العاصمة الجديدة” : “في ناس بتكبر ومش عايزة تعقل ، في ناس راكبها الشيطان لغاية لما يموتوا ويدفنوا ومش عايزين يتغيروا”.
وواصل مدير الكرة بالمصري حديثه : “مشكلتهم أنهم مشبعوش حقد ولا سواد ، الأطفال الصغيرة لما بيشوفوه في التلفزيون بيقولوا ايه ده مين ده ، شكلك بقى وحش في كل حاجة”.
واستكمل “حسن” حديثه : “غير السواد بقى خليه بياض خليه حاجة كويسة يا أخي ، هتفضل تغل عشان تعمل سبوبة ، هتفضل تنط من قناة لقناة عشان تعمل فلوس ، اهدى يا اخي انت عندك أحفاد دلوقتي والناس بتموت وأخرهم أحمد ماهر الله يرحمه”.
وأضاف مدير الكرة بالمصري : “الشخصية دي شبعت كتير وياما وقعت في مواقف صعبة جداً ومبيحمدش ربنا واتقفلته قنوات وأصحاب القنوات قعدوه مذلول قدامهم واعتذر لكذا واحد ولبس الجلابية والطرحة وقعد في البيت ، ده بيبيع كلام وبيوقع الدنيا في بعضها ، تاريخه كله عندي”.
وأكمل : “مصر كلها لازم تعرف كان متسمي ايه لما كان معانا ، اسمه خالتي بمبة عشان كان بيلف على الغرف كلها وكان رقم 5 ومبيلعبش وملهوش أي لازمة بيروح يأذى في ده ويحرق دم ده ، فلعب على كبر وده يمكن سببله عقدة داخل في الستينات ومش عارف هو عايز ايه ، هو في واحد على الهواء وقدوة يقوم يضرب واحد تروحله لحد عنده وتضربه وتطلع تاني يوم وتمارس حياتك العملية فين التلفزيون المصري والنائب العام انا من حقي مشوفش الأشكال دي وده زور في انتخابات مجلس الشعب وقاعد حاطط رجل على رجل وما اتحسبش”.
وأنهى إبراهيم حسن حديثه : “ده احنا كلنا في طبق واحد وكل واحد نفسه يعرف ومستواه ايه ، ولازم يعرف ان الاتنين اللي حاططهم في دماغه انا وحسام أسياده مع اني مبحبش اتكلم كده”.
